ವಿವರಣೆ

0.6-9 ಮೀ ನಷ್ಟು ಎತ್ತರವಿರುವ, ಪೊದೆಸಸ್ಯ ಅಥವಾ ಚಿಕ್ಕ ಡೆಸಿಡುಅಸ್ ಮರ. ತೊಗಟೆ ಬೂದು-ಕಂದು ಬಣ್ಣದಲ್ಲಿದ್ದು, ಸೀಳುಗಳಿರುತ್ತವೆ. ಬೈಪಿನೇಟ್ ಎಲೆಗಳು, 4-9 ಜೋಡಿ ಪಿನ್ನಾಗಳು, 10-17 ಜೋಡಿ ಚಿಗುರೆಲೆಗಳಿರುತ್ತವೆ; ಸೆಸೈಲ್ ಆದ ಚಿಗುರೆಲೆಗಳು, ಲೀನಿಯರ್ –ಒಬ್ಲಾಂಗ್ , ರೋಮರಹಿತ ಅಥವಾ ಸಬ್‌ಗ್ಲಾಬ್ರಸ್ ಆಗಿರುತ್ತವೆ, ಬುಡ ಓರೆ ಅಥವಾ ಕೀಲಿ ಆಕಾರದಲ್ಲಿರುತ್ತದೆ, ತುದಿ ಚೂಪಾಗಿದ್ದು, ಅಂಚು ಕೂದಲಿಂದ ಸುತ್ತುವರೆದಿರುತ್ತದೆ. ಪುಷ್ಪಮಂಜರಿ ಒಂದು ತಲೆಹೂಗೊಂಚಲು. ದ್ವಿಲಿಂಗಿ ಹೂವುಗಳು, ಬಿಳಿಯಿಂದ ಕೆನೆಬಣ್ಣದಲ್ಲಿರುತ್ತವೆ, ಪರಾಗಗಳು ರೋಮದಿಂದ ಕೂಡಿರುತ್ತವೆ. ಹಣ್ಣು , ಲೀನಿಯರ್ ಮತ್ತು ಒಬ್ಲಾಂಗ್ ಆಕಾರದ, ಚಪ್ಪಟೆಯಾದ, ಮೃದುತುಪ್ಪಳದಿಂದ ಕೂಡಿದ, 3 ಸೆಂ.ಮೀ ಉದ್ದದ ತೊಟ್ಟಿರುವ ಒಂದು ಪಾಡ್. ಗಾಢ ಕಂದು ಬಣ್ಣದ, ಅಂಡಾಕಾರದ 15-25 ಬೀಜಗಳಿರುತ್ತವೆ.