ವಿವರಣೆ

18 ಮೀಟರ್ ಎತ್ತರ, ಹೆಚ್ಚು ಕವಲುಗಳಿರುವ ಮಧ್ಯಮದಿಂದ ದೊಡ್ಡ ಗಾತ್ರದ, ಪತನಶೀಲ ಮರ. ಸಸ್ಯರಸ ಬಿಳಿಯಾಗಿರುತ್ತದೆ. ಎಳೆಯ ಮರಗಳು ದಟ್ಟವಾದ ಮೃದು ತುಪ್ಪಳದಿಂದ ಕೂಡಿರುತ್ತವೆ. ಎಲೆಗಳು ಸಾಮಾನ್ಯವಾಗಿ ಕೊಂಬೆಗಳ ಕೊನೆಯಲ್ಲಿ ಗುಂಪಾಗಿರುತ್ತವೆ, ಎಲೆಗಳು ಸರಳ, ಆಲ್ಟರ್ನೇಟ್ , ಸ್ವಲ್ಪ ಒಬ್ಲಾಂಗ್ , ಎಲಿಪ್ಟಿಕ್,ಶೂಲಶಿರ ಅಥವಾ ಬುಗುರಿಯಂತಿದ್ದು, ರೋಮರಹಿತವಾಗಿರುತ್ತವೆ, ಬೆಣೆಯಾಕಾರದ ಬುಡ , ದುಂಡಾಗಿದ್ದು ತುದಿಯಲ್ಲಿ ಚೂಪಾಗುತ್ತದೆ, ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪ ಮಂಜರಿ ಒಂದು ಹೂ ಗುಚ್ಛ (ಫ್ಯಾಸಿಕಲ್). ಮೆತ್ತನೆಯ ತಿರುಳಿನ, ರಸಪೂರಿತ ಮುಕುಟದಳಗಳಿರುವ(ಕೊರೊಲ), ಕೆನೆ ಬಣ್ಣದ ಹೂವುಗಳು ಕೊಂಬೆಗಳ ಕೊನೆಯಲ್ಲಿ ಗುಂಪಾಗಿರುತ್ತವೆ, ಮೃದುತುಪ್ಪಳದಿಂದ ಕೂಡಿರುತ್ತವೆ. ಹಣ್ಣು, ಹಸಿರು ಬಣ್ಣದ , ಅಂಡಾಕಾರದ, ಮೃದು ತುಪ್ಪಳವಿರುವ (ಟೊಮೆಂಟಸ್),ತಿರುಳಿರುವಂತಹ ಒಂದು ಬೆರ್ರಿ. 1-4 ದೊಡ್ಡ ಗಾತ್ರದ ಅಂಡಾಕಾರದ, ಕುಗ್ಗಿರುವ ಬೀಜಗಳಿರುತ್ತವೆ.