ವಿವರಣೆ

30 ಮೀ ವರೆಗೆ ಎತ್ತರವಿರುವ, ಮಧ್ಯಮದಿಂದ ದೊಡ್ಡ ಗಾತ್ರದ, ನಿತ್ಯಹರಿದ್ವರ್ಣ ಮರ. ತೊಗಟೆ ಬೂದು ಬಣ್ಣದಲ್ಲಿರುತ್ತದೆ. ಹೊಳೆಯುವ ಕೆನೆಬಣ್ಣದೊಂದಿಗೆ ಜೊತೆಗೂಡಿದ ಕಿತ್ತಳೆ ಬಣ್ಣದ ಮಚ್ಚೆಗಳಿರುವ ಉಬ್ಬುತೂತುಗಳಿರುತ್ತವೆ. ದಟ್ಟವಾದ ಮೃದುತುಪ್ಪಳವಿರುವ ಎಳೆಯ ಚಿಗುರುಗಳು ಮಾಸಲಾಗಿರುತ್ತವೆ(ಟೊಮೆಂಟೋಸ್). ಎಲೆಗಳು ಸರಳವಾಗಿರುತ್ತವೆ, ಆಲ್ಟರ್ನೇಟ್ ಆಗಿರುತ್ತವೆ, ಅಂಡಾಕಾರ – ಶೂಲಶಿರವುಳ್ಳವಾಗಿರುತ್ತವೆ (ಲ್ಯಾನ್ಸಿಲೇಟ್ ಆಗಿರುತ್ತವೆ), ರೋಮರಹಿತವಾಗಿದ್ದು,ಕಾಗದಂತಿರುತ್ತವೆ (ಚಾರ್ಟೇಸಿಯಸ್), ಬುಡ ಚೂಪು ಅಥವಾ ಕ್ರಮೇಣ ಕಿರಿದಾಗಿ ಚೂಪಾಗುತ್ತದೆ, ,ತುದಿ ಚೂಪಾಗಿದ್ದು, ಅಂಚು ಅಲೆಯಂತಿರುತ್ತದೆ. ಹೂವುಗಳು ಒಂದು ಅಥವಾ ಅಪರೂಪವಾಗಿ ಜೋಡಿಯಾಗಿ, ಅಕ್ಷಾಕಂಕುಳಿನಲ್ಲಿರುತ್ತವೆ, ಹಳದಿ ಬಣ್ಣದಲ್ಲಿರುವ ಈ ದ್ವಿಲಿಂಗಿ ಹೂವುಗಳು ಪರಿಮಳಭರಿತವಾಗಿರುತ್ತವೆ. ಹಣ್ಣು , 2-3 ಉದ್ದನೆಯ, ಗಂಟುಗಳಿರುವ, ಹಿಂಬಾಗದಲ್ಲಿ ಬಿರಿಯುವಂತಹ ಒಂದು ಕೋಶಕ. ಕಡುಗೆಂಪು ಬಣ್ಣದ 1 ಬೀಜವಿರುತ್ತದೆ.