ವಿವರಣೆ

25 ಮೀ ವರೆಗೆ ಎತ್ತರವಿರುವ, ಸಣ್ಣ ಅಥವಾ ಮಧ್ಯಮ ಗಾತ್ರದ, ನಿತ್ಯಹರಿದ್ವರ್ಣ, ಭಿನ್ನಲಿಂಗಿ ಮರ. ಮರ ಬಿಳಿಯಾಗಿದ್ದು, ತೆಳುವಾದ ಗಾಢ ಬೂದುಬಣ್ಣದ ತೊಗಟೆ ಇರುತ್ತದೆ. ಕಿರುಕೊಂಬೆಗಳು, ಎಳೆಯ ಎಲೆಗಳು ಮತ್ತು ಹೂಗೊಂಚಲುಗಳು ಬೂಷ್ಟು ಹಿಡಿದಂತಿದ್ದು, ಮೃದುತುಪ್ಪಳದಿಂದ ಕೂಡಿರುತ್ತವೆ. ಎಲೆಗಳು ಸರಳ, ಆಲ್ಟರ್ನೇಟ್ ಅಥವಾ ಸಬ್ ಆಪೋಸಿಟ್ , ಅಂಡಾಕಾರ ಅಥವಾ ಅಂಡಾಕಾರ-ಈಟಿ ಆಕಾರದಲ್ಲಿರುತ್ತವೆ(ಲ್ಯಾನ್ಸಿಲೇಟ್), ಮೇಲ್ಭಾಗ ರೋಮರಹಿತವಾಗಿರುತ್ತದೆ, ಬೂದುಬಣ್ಣದಿಂದ ನಸುಗೆಂಪು ಬಣ್ಣದ ದಟ್ಟವಾದ ಮೃದುತುಪ್ಪಳವಿದ್ದು, ಕೆಳಗೆ ಸಣ್ಣ ಕೆಂಪು ಗ್ರಂಥಿಗಳಿರುತ್ತವೆ, ಎಲೆಗಳು ಚರ್ಮದಂತಿರುತ್ತವೆ, ಬುಡ ಚೂಪು ಅಥವಾ ದುಂಡಾಗಿರುತ್ತದೆ, ತುದಿ ಕಿರಿದಾಗುತ್ತಾ ಮೊನಚಾಗುವ ಅಥವಾ ಚೂಪಾದ ತುದಿ ಇರುತ್ತದೆ, ಅಂಚು ಸಂಪೂರ್ಣವಾಗಿರುತ್ತದೆ ಅಥವಾ ಸ್ವಲ್ಪ ಗರಗಸದಂತಿರುತ್ತದೆ. ಪುಷ್ಪ ಮಂಜರಿ ತುದಿಯಲ್ಲಿ ಹೂತೆನೆಯ ಮಾದರಿಯಲ್ಲಿರುತ್ತದೆ ಅಥವಾ ಗುಂಪಾಗಿರುವ ಹೂಗೊಂಚಲಾಗಿರುತ್ತದೆ. ಹೂವುಗಳು ತುಕ್ಕು ಹಿಡಿದಂತಹ ಕೆಂಬಣ್ಣದಲ್ಲಿರುತ್ತವೆ. ಗಂಡು ಹೂವುಗಳು 4.5 ಮಿಮೀ ಅಗಲ; ಹೆಣ್ಣು ಹೂವುಗಳು 4 ಮಿ.ಮೀ ಅಗಲವಿರುತ್ತವೆ. ಹಣ್ಣು , 7-8 ಮಿಮೀ ಅಗಲದ, ಗೋಳಾಕಾರದ, 3-ಹಾಲೆಗಳಿರುವ, ಒತ್ತಾಗಿ ಕೆಂಪು-ಗ್ರಂಥಿಗಳಿರುವ, ಮೃದುತುಪ್ಪಳದಿಂದ ಆವೃತವಾದಂತಹ ಒಂದು ಬೀಜಕೋಶ (ಕ್ಯಾಪ್ಸುಲ್). 1-4, ಗೋಳಾಕಾರದ, ರೋಮರಹಿತವಾದ, ಕಪ್ಪು ಬೀಜಗಳಿರುತ್ತವೆ.