ವಿವರಣೆ

10-18 ಮೀವರೆಗೆ ಎತ್ತರವಿರುವ, ಮಧ್ಯಮ ಗಾತ್ರದ, ನಿತ್ಯಹರಿದ್ವರ್ಣ ಮರಗಳು. ತೊಗಟೆ ಒರಟಾಗಿರುತ್ತದೆ, ಹೊರ ತೊಗಟೆ ಹಸಿರು ಬೂದು ಬಣ್ಣದಲ್ಲಿದ್ದು, ಒಳ ತೊಗಟೆ ಕೆಂಪು ಬಣ್ಣದಲ್ಲಿರುತ್ತದೆ, ರಾಳದಂತಹ ಅಥವಾ ಹಾಲಿನಂತಹ ಬಿಳಿಯಾದ ಸಸ್ಯಕ್ಷೀರ (ಲ್ಯಾಟೆಕ್ಸ್) ಇರುತ್ತದೆ. ಎಲೆಗಳು ಸರಳವಾಗಿರುತ್ತವೆ, ಆಪೊಸಿಟ್, ಕೆಲವೊಮ್ಮೆ ಆಲ್ಟರ್ನೇಟಾಗಿ ವರ್ತುಲವಾಗಿ ಸುತ್ತಿಕೊಂಡಿರುತ್ತವೆ, ಈಟಿ ಆಕಾರದಿಂದ (ಲ್ಯಾನ್ಸಿಲೇಟ್) - ಬುಗುರಿಯಾಕಾರದಿಂದ ಅಂಡಾಕಾರ-ಆಯತಾಕಾರದಲ್ಲಿರುತ್ತವೆ, ಕಡು ಹಸಿರು ಬಣ್ಣದಲ್ಲಿದ್ದು, ರೋಮರಹಿತವಾಗಿರುತ್ತವೆ, ಬುಡ ಮೊಂಡಾಗಿರುತ್ತದೆ, ಹರಿತವಾದ ತುದಿ ಕೊನೆಯಲ್ಲಿ ದುಂಡಾಗುತ್ತದೆ, ಮೊಂಡಿನಿಂದ ಕಚ್ಚುಳ್ಳದ್ದಾಗಿರುತ್ತದೆ. ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪಮಂಜರಿ ಒಂದು ಸಂಯುಕ್ತ ಪುಷ್ಪದ ಗೊಂಚಲಾಗಿ ಅಥವಾ ಒಂಟಿಯಾಗಿರುತ್ತದೆ. ಹೂವುಗಳು ಪಾಲಿಗ್ಯಾಮಸ್ , ಏಕಲಿಂಗಿ, ಉಭಯಲಿಂಗಿಗಳಾಗಿರುತ್ತವೆ, ಬಿಳಿ ಅಥವಾ ಗುಲಾಬಿ ಬಣ್ಣದ ಹೂವುಗಳು ಸುವಾಸನೆಯಿಂದ ಕೂಡಿರುತ್ತವೆ. ಹಣ್ಣು ಅಂಡಾಕಾರ-ಗೋಳಾಕಾರದಲ್ಲಿರುವ , ರೋಮರಹಿತವಾದ, ದೃಢವಾಗಿ ನಿಲ್ಲುವಂತಹ, ತಿರುಳಿರುವ ರಸಭರಿತವಾದ, ಬಿರಿಯದ ಒಂದು ಬೆರ್ರಿ , 1 -4 ಬೀಜಗಳಿರುತ್ತವೆ.