ವಿವರಣೆ

15-21 ಮೀ ಎತ್ತರವಿರುವ, ನಿತ್ಯಹರಿದ್ವರ್ಣ ಮರ. ಕೆಲವೊಮ್ಮೆ ಪೊದೆಗಳು, 1.2-4.5 ಮೀ ಎತ್ತರವಿರುತ್ತವೆ.ಏಣುಗೆರೆಗಳಿರುವ ಕಂದು ಬಣ್ಣದ ತೊಗಟೆ, ನಯವಾಗಿರುತ್ತದೆ ಅಥವಾ ಒರಟಾಗಿರುತ್ತದೆ. ಗರಿಯರೀತಿಯ(ಪಿನ್ನೇಟ್) ಎಲೆಗಳಿರುತ್ತವೆ; 7 – 13 ಚಿಗುರೆಲೆಗಳಿರುತ್ತವೆ, ಅಂಡಾಕಾರದಿಂದ ಬುಗುರಿಯಾಕಾರದಲ್ಲಿದ್ದು, ಮೇಲೆ ರೋಮರಹಿತವಾಗಿರುತ್ತವೆ.ಆದರೆ ಮೇಲೆ ಶಲ್ಕಗಳು ಒತ್ತಾಗಿರುತ್ತವೆ , ಕೆಳಗೆ ವಿರಳವಾಗಿರುತ್ತವೆ, ಸಾಮಾನ್ಯವಾಗಿ ಕೆಳಭಾಗದಲ್ಲಿ ಅಕ್ಷಾಕಂಕುಳಿನಲ್ಲಿ ಮೃದು ತುಪ್ಪಳದ ಡೊಮೇಟಿಯಾಗಳಿರುತ್ತವೆ, ಬುಡ ಬೆಣೆಯಾಕಾರದಿಂದ ದುಂಡಾಗಿರುತ್ತದೆ, ತುದಿ ಚೂಪಾಗಿರುತ್ತದೆ, ಅಂಚು ಅಲೆಯಂತಿರುತ್ತದೆ. ಪುಷ್ಪಮಂಜರಿ ಒಂದು ತುದಿಯಲ್ಲಿನ ಹೂಗೊಂಚಲು (ಪ್ಯಾನಿಕಲ್).ಕಂಠದ ಭಾಗದಲ್ಲಿ ಕೆಂಪು ಸಿರೆ ಅಥವಾ ಚುಕ್ಕೆಗಳಿರುವ ಹಳದಿ ಬಣ್ಣದ ಹೂವುಗಳು, ಉಭಯಲಿಂಗಿಗಳಾಗಿದ್ದು, ಕಹಳೆ ಆಕಾರದಲ್ಲಿರುತ್ತವೆ. ಹಣ್ಣು 35-80 ಸೆಂ.ಮೀ ಉದ್ದವಾಗಿರುವ, ಕುಗ್ಗಿದ, ರೋಮರಹಿತವಾಗಿರುವ ಒಂದು ಬೀಜಕೋಶ. ಆದರೆ ಶಲ್ಕ (ಲೆಪಿಡೊಟ್) ಗಳಿರುತ್ತವೆ. ಹಲವಾರು ರೆಕ್ಕೆಯುಳ್ಳ ಬೀಜಗಳಿರುತ್ತವೆ.