ವಿವರಣೆ

20 ಮೀ ನಷ್ಟು ಎತ್ತರವಿರುವ ದೊಡ್ಡ ಪತನಶೀಲ ಮರಗಳು.ಗಾಢ ಕಂದು ಬಣ್ಣದ ತೊಗಟೆ, ಒರಟಾಗಿರುತ್ತದೆ, ಉಬ್ಬುತೂತುಗಳಿದ್ದು (ಲೆಂಟಿಸೆಲ್ಲೇಟ್), ಸುಲಿದಾಗ ತೊಗಟೆಯ ತುಂಡುಗಳು ಆಯತಾಕಾರದಲ್ಲಿರುತ್ತವೆ. ಎಳೆಯ ಚಿಗುರುಗಳು ಮತ್ತು ಪುಷ್ಪಮಂಜರಿಗಳು ಪೊರೆಯುಳ್ಳ ಮೃದು ತುಪ್ಪಳದಿಂದ ಆವೃತವಾಗಿರುತ್ತವೆ. ಎಲೆಗಳು 2-3 ಪಿನ್ನೇಟ್ ಆಗಿರುತ್ತವೆ, ಇಂಪಾರಿಪಿನ್ನೇಟ್ ಆಗಿರುತ್ತವೆ, ಬುಡದಲ್ಲಿ ಊದಿಕೊಂಡಿರುತ್ತವೆ, ಎಳೆಯದಾಗಿದ್ದಾಗ ಉಣ್ಣೆಯಂತಹ ದಟ್ಟವಾದ ಮೃದು ತುಪ್ಪಳವಿರುತ್ತದೆ; 3-7 ಜೋಡಿ ಉಪಪರ್ಣಗಳಿರುತ್ತವೆ.; ಪ್ರತಿ ಉಪಪರ್ಣದ ಮೇಲೆ ಆಪೋಸಿಟ್ ಆಗಿ 2-11 ಚಿಗುರೆಲೆಗಳಿರುತ್ತವೆ, ಒವೇಟ್-ಲ್ಯಾನ್ಸಿಲೇಟ್ ಆಕಾರದಲ್ಲಿರುತ್ತವೆ, ಚರ್ಮದಂತಿರುವ ಎಲೆಗಳು ಬಲಿತಾಗ ರೋಮರಹಿತವಾಗಿರುತ್ತವೆ, ಬುಡ ಓರೆ, ಚೂಪು, ಮೊಂಡು, ದುಂಡು ಅಥವಾ ಕ್ರಮೇಣ ಸಪೂರವಾಗಿ ಚೂಪಾಗುತ್ತದೆ, ತುದಿ ಚೂಪಾಗಿದ್ದು, ಅಂಚು ದಂತಿತವಾಗಿರುತ್ತದೆ (ಕ್ರೆನೇಟ್). ಪುಷ್ಪಮಂಜರಿ ಅಕ್ಷಾಕಂಕುಳಿನ ಒಂದು ಹೂಗೊಂಚಲು (ಪ್ಯಾನಿಕಲ್). ಹಸಿರು-ಬಿಳಿ, ಬಣ್ಣದ ದ್ವಿಲಿಂಗಿ ಹೂವುಗಳು ಮೃದು ತುಪ್ಪಳದಿಂದ ಕೂಡಿರುತ್ತವೆ. ಹಣ್ಣು, ತಿರುಳಿರುವ, ಗೋಳಾಕಾರದ, ಕುಗ್ಗಿದ ಪ್ರಮಾಣದಲ್ಲಿರುವ (ಡೋಸಲಿ).ಒಂದು ಗೊರಟೆ ಹಣ್ಣು (ಡ್ರೂಪ್). ಉದ್ದನೆಯ ಏಣುಗೆರೆಗಳಿರುತ್ತವೆ ಹಣ್ಣಾದಾಗ ಹಳದಿ ಬಣ್ಣಕ್ಕೆ ತಿರುಗುತ್ತದೆ, 3 ರಿಂದ 4 ಬೀಜಗಳಿರುತ್ತವೆ.