ಮಿಲೇಟಿಯಾ ಪಿನ್ನತ (ಎಲ್.) ಪಾಣಿಗ್ರಾಹಿ
| ಕನ್ನಡದ ಹೆಸರು : | ಹೊಂಗೆ |
| ಸಾಮಾನ್ಯ ಹೆಸರು : | ಪೊಂಗಮಿಯ |
| ಕುಟುಂಬದ ಹೆಸರು : | ಫ್ಯಾಬೇಸಿ |
| ವೈಜ್ಞಾನಿಕ ಹೆಸರು : | ಮಿಲೇಟಿಯಾ ಪಿನ್ನತ (ಎಲ್.) ಪಾಣಿಗ್ರಾಹಿ |
| ಪ್ರಭೇದದ ಪ್ರಕಾರ: | ಸ್ಥಳೀಯ |
| ಪ್ರಕೃತಿ ಶಾಸ್ತ್ರ : | ನಿತ್ಯ ಹರಿದ್ವರ್ಣ |
| ಸಂರಕ್ಷಣೆಯ ಸ್ಥಿತಿ : | ಕನಿಷ್ಠ ಕಾಳಜಿ |
| ಹೂಬಿಡುವ ಅವಧಿ: | ಏಪ್ರಿಲ್ - ಜೂನ್ |
| ಹಣ್ಣಾಗುವ ಅವಧಿ: | ಫೆಬ್ರವರಿ - ಮೇ |
| ಮೂಲ: | ಉಷ್ಣವಲಯದ ಏಷ್ಯಾ, ಆಸ್ಟ್ರೇಲಿಯಾ, ಪೆಸಿಫಿಕ್ ದ್ವೀಪ |
ಉಪಯೋಗಗಳು
.ಬೀಜದ ಎಣ್ಣೆ ಡೀಸೆಲ್ ಜನರೇಟರ್‌ಗಳ ಬಳಕೆಗೆ ಉಪಯುಕ್ತವಾಗಿದೆ ಎಂದು ಕಂಡುಬಂದಿದೆ, ಜಟ್ರೋಫಾ ಮತ್ತು ಕ್ಯಾಸ್ಟರ್ ( ಹರಳು ಗಿಡ) ಜೊತೆಗೆ, ಇದು ಜೈವಿಕ ಡೀಸೆಲ್‌ಗೆ ಪೂರಕ ವಸ್ತು (ಫೀಡ್‌ಸ್ಟಾಕ್) ವಾಗುವ ಸಾಧ್ಯತೆಯ ಬಗ್ಗೆ ಭಾರತ ಮತ್ತು ಮೂರನೇ ಪ್ರಪಂಚದಾದ್ಯಂತದ ನೂರಾರು ಯೋಜನೆಗಳಲ್ಲಿ ಇದರ ಬಗ್ಗೆ ಅನೇಷಣೆಗಳಾಗುತ್ತಿವೆ. ಭಾರತ ಮತ್ತು ಬಾಂಗ್ಲಾದೇಶದಂತಹ ದೇಶಗಳ ಗ್ರಾಮೀಣ ಭಾಗದಲ್ಲಿ ಈ ಸಸ್ಯ ಹೇರಳವಾಗಿ ಬೆಳೆಯುತ್ತದೆ, ಇದು ಈ ಪ್ರದೇಶಗಳ ಸಾಮಾಜಿಕ ಆರ್ಥಿಕ ಅಭಿವೃದ್ಧಿಯನ್ನು ಬೆಂಬಲಿಸುವ ಕಾರಣದಿಂದ, ವ್ಯಾಪಾರದ ದೃಷ್ಟಿಯಿಂದ ಪಿನ್ನಾಟಾ ಜೈವಿಕ ಇಂಧನವಾಗಿ ಆ ಭಾಗದ ಜನತೆಗೆ ತುಂಬಾ ಬೆಲೆಬಾಳುವಂತದಾಗಿದೆ. .
ವಿವರಣೆ
.18 ಮೀ ನಷ್ಟು ಎತ್ತರವಿರುವ, ಮಧ್ಯಮ ಗಾತ್ರದ, ನಿತ್ಯಹರಿದ್ವರ್ಣ ಮರ. ತೊಗಟೆ ಬೂದು ಬಣ್ಣದಲ್ಲಿರುತ್ತದೆ, ನಯವಾದ, ಕಂದು ಬಣ್ಣದ ಮಚ್ಚೆಗಳನ್ನು ಹೊಂದಿರುತ್ತದೆ; ಹೊಳೆವ-ಹಳದಿ; ಬಣ್ಣದ ಕಿರುಕೊಂಬೆಗಳು ಉಬ್ಬುತೂತುಗಳನ್ನು ಹೊಂದಿರುತ್ತವೆ.(ಲೆಂಟಿಸೆಲ್ಲೇಟ್). ಎಲೆಗಳು ಆಲ್ಟರ್ನೇಟ್, ಇಂಪಾರಿಪಿನ್ನೇಟ್ ಆಗಿರುತ್ತವೆ; ಆಪೊಸಿಟ್ , ಎಲಿಪ್ಟಿಕ್ – ಅಕ್ಯುಮಿನೇಟ್ , ಎಲಿಪ್ಟಿಕ್ -ಲ್ಯಾನ್ಸಿಲೇಟ್, ಅಂಡಾಕಾರ ಅಥವಾ ಅಂಡಾಕಾರದ-ಆಯತಾಕಾರದಲ್ಲಿರುವ, 5-7 ಚಿಗುರೆಲೆಗಳಿರುತ್ತವೆ, ಕಾಗದದಂತಿರುವ ಎಲೆಗಳು ರೋಮರಹಿತವಾಗಿರುತ್ತವೆ, ಬುಡ ಬೆಣೆಯಾಕಾರದಲ್ಲಿದ್ದು (ಕ್ಯೂನೇಟ್), ತುದಿ ಚೂಪಾಗಿರುತ್ತದೆ,ಅಂಚು ಸಂಪೂರ್ಣವಾಗಿರುತ್ತದೆ.ಪುಷ್ಪಮಂಜರಿ ಒಂದು ಅಕ್ಷಾಕಂಕುಳಿನ ಅಸೀಮಾಕ್ಷ (ರೇಸಿಮ್) ಅಥವಾ ಒಂದು ಹೂಗೊಂಚಲು (ಪ್ಯಾನಿಕಲ್). ದ್ವಿಲಿಂಗಿ ಹೂವುಗಳು, ಗುಲಾಬಿ-ಬಿಳಿ ಅಥವಾ ನೇರಳೆ-ಬಿಳಿ ಬಣ್ಣದಲ್ಲಿರುತ್ತವೆ. ಹಣ್ಣು, 4-5 ಸೆಂ.ಮೀ ಉದ್ದನೆಯ, ಓರೆಯಾಗಿ ಆಯತಾಕಾರದಲ್ಲಿರುವ, ಚಪ್ಪಟೆಯಾದ, ದಪ್ಪನೆಯ,ಬಿರಿಯದ, ಒಂದು ಪಾಡ್ ಎರಡೂ ತುದಿಗಳು ಮೊನಚಾಗಿದ್ದು, ಸ್ವಲ್ಪ ಕುಡುಗೋಲಿನಂತಿರುತ್ತದೆ (ಫಾಲ್ಕೇಟ್); ಮೂತ್ರಪಿಂಡದಾಕಾರದ ಒಂದು ಬೀಜವಿರುತ್ತದೆ.
