ವಿವರಣೆ

5-23 ಮೀನಷ್ಟು ಎತ್ತರವಿರುವ, ನಿತ್ಯಹರಿದ್ವರ್ಣ ಮರಗಳು, ಕೆಲವೊಮ್ಮೆ ಬುಡ ಬಟ್ರೆಸ್ ಆಗಿರುತ್ತದೆ. ತೊಗಟೆ ನಯವಾಗಿರುತ್ತದೆ, ಬೂದು ಬಣ್ಣ ಮಿಶ್ರಿತ ಕಂದು ಬಣ್ಣದಿಂದ ಕೂಡಿರುತ್ತದೆ. ಎಲೆಗಳು ಹಸ್ತದ ಆಕಾರದಲ್ಲಿದ್ದು,ಆಲ್ಟರ್ನೇಟಾಗಿ ಜೋಡಿಸಲ್ಪಟ್ಟಿರುತ್ತವೆ; 5-9 ಚಿಗುರೆಲೆಗಳಿರುತ್ತವೆ, ಆಯತಾಕಾರದಿಂದ ಅಂಡಾಕಾರದ-ಆಯತಾಕಾರದಲ್ಲಿರುತ್ತವೆ,ಎಲೆಯ ಅಕ್ಷಕ್ಕೆ ವಿಮುಖವಾದ ಭಾಗ (ಅಬಾಕ್ಸಿಯಲಿ) ಕೆಂಗಂದು ಬಣ್ಣದ (ಫೆರುಜಿನಸ್) ನಕ್ಷತ್ರಾಕಾರವಾಗಿ (ಸ್ಟೆಲೇಟ್)ದಟ್ಟವಾದ ಮೃದುತುಪ್ಪಳದಿಂದ ಮುಚ್ಚಲ್ಪಟ್ಟಿರುತ್ತದೆ ( ಟೋಮೆಂಟಸ್),ಅಕ್ಷಕ್ಕೆ ಮುಖ (ಅಡಾಕ್ಸಿಯಾಲಿ) ಮಾಡಿರುವ ಭಾಗ ರೋಮರಹಿತವಾಗಿರುತ್ತದೆ, ಬುಡ ಬೆಣೆಯಾಕಾರದಲ್ಲಿದ್ದು (ಕ್ಯೂನಿಟ್), ತುದಿ ಚೂಪಾಗಿರುತ್ತದೆ,ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪಮಂಜರಿ ಒಂಟಿ ಹೂವುಗಳ ಗೊಂಚಲು. ದ್ವಿಲಿಂಗಿ ಹೂವುಗಳು, ಹಳದಿ ಬಣ್ಣದಲ್ಲಿರುತ್ತವೆ; . ಗುಲಾಬಿ-ತುದಿಯ ಹಳದಿ ಮಿಶ್ರಿತ ಬಿಳಿ ಬಣ್ಣದ ಹಲವಾರು ಕೇಸರಗಳಿರುತ್ತವೆ. ಹಣ್ಣು ಉಪಗೋಳಾಕಾರದ, ದೀರ್ಘತ್ತೀಯದಿಂದ ಆಯತಾಕಾರದ – ದೀರ್ಘತ್ತೀಯ ಆಕಾರದ ಒಂದು ಕ್ಯಾಪ್ಸುಲ್, ಹಳದಿ ಮಿಶ್ರಿತ ಕಂದು ಬಣ್ಣದ ಮೃದು ತುಪ್ಪಳದಿಂದ ಆವೃತವಾಗಿರುತ್ತದೆ, ಒಳಭಾಗದಲ್ಲಿ ರೇಷ್ಮೆಯಂತಹ ನೀಳರೋಮಗಳಿರುತ್ತವೆ. ಗಾಢ ಕಂದು ಬಣ್ಣದ, ಕೋನಗಳಿರುವ 4-5 ಬೀಜಗಳಿರುತ್ತವೆ.