ವಿವರಣೆ

ಒಂದು ಸಣ್ಣ ಪತನಶೀಲ, ಉಭಯಲಿಂಗಿ (ಮೊನೊಸಿಯಸ್) ಮರ ಅಥವಾ ಪೊದೆಸಸ್ಯ, 2 ರಿಂದ 9 ಮೀ ನಷ್ಟು ಎತ್ತರಕ್ಕೆ ಬೆಳೆಯುತ್ತದೆ. ಎಲೆಗಳು ಅಂಡಾಕಾರ ಅಥವಾ ಈಟಿ ತರದ ತುದಿಯ (ಲ್ಯಾನ್ಸಿಲೇಟ್) ಆಕಾರದಲ್ಲಿರುತ್ತವೆ, ರೋಮರಹಿತವಾಗಿರುತ್ತವೆ, ಬುಡ ಚೂಪಾಗಿರುತ್ತದೆ ಅಥವಾ ದುಂಡಾಗಿರುತ್ತದೆ, ತುದಿ ಚೂಪಾಗಿದ್ದು, ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪಮಂಜರಿ ಒಂದು ಅಕ್ಷಾಕಂಕುಳಿನಲ್ಲಿಯ ಕೆಲವೇ ಹೂಗಳಿರುವ ಗೊಂಚಲುಹೂವು , ಅಪರೂಪವಾಗಿ ಕಾಂಡಪುಷ್ಟಿಯಾಗಿರುತ್ತದೆ( ಕಾಲಿಫ್ಲೋರಸ್). ಗಂಡು, ಹೆಣ್ಣು ಅಥವಾ ದ್ವಿಲಿಂಗಿ ಹೂವುಗಳು, ಸಣ್ಣದಾಗಿದ್ದು, ಗುಲಾಬಿ ಬಣ್ಣದಲ್ಲಿರುತ್ತವೆ. ಹಣ್ಣು 6 ರಿಂದ 8 ಎತ್ತರವಾದ ಏಣುಗೆರೆಗಳಿರುವ, ಗರಿಗರಿಯಾದ, ತಿರುಳಿರುವ ಒಂದು ಗೊರಟೆ ಹಣ್ಣು (ಡ್ರೂಪ್), ತೆಳು ಹಳದಿಯಿಂದ ಕೆನೆಮಿಶ್ರಿತ-ಬಿಳಿ ಬಣ್ಣದಲ್ಲಿರುತ್ತದೆ,ಅದರ ಮೇಣದಂತಹ, ತಿರುಳು ತುಂಬಾ ಹುಳಿಯಾಗಿರುತ್ತದೆ. 4 ರಿಂದ 6 ಬೀಜಗಳಿರುತ್ತವೆ.