ವಿವರಣೆ

20 ಮೀ ನಷ್ಟು ಎತ್ತರವಿರುವ, ನಿತ್ಯಹರಿದ್ವರ್ಣ ಮರ. ಮೃದು ತುಪ್ಪಳ ಮತ್ತು ಗ್ರಂಥಿಗಳಿರುವ ಎಳೆಯ ಕಿರುಕೊಂಬೆಗಳನ್ನು ಹೊಂದಿರುತ್ತದೆ, ಎಲೆಗಳು , ಒಬ್ಲಾಂಗ್ - ಎಲಿಪ್ಟಿಕ್, ಎಲಿಪ್ಟಿಕ್ ಅಥವಾ ಎಲಿಪ್ಟಿಕ್ - ಲ್ಯಾನ್ಸಿಲೇಟ್, ಆಕಾರದಲ್ಲಿದ್ದು, ಸುವಾಸನೆಯಿಂದ ಕೂಡಿರುತ್ತವೆ. ರೋಮರಹಿತವಾಗಿರುತ್ತವೆ ಅಥವಾ ಬೆಳೆಯುತ್ತಾ ರೋಮರಹಿತವಾಗುತ್ತವೆ (ಗ್ಲಾಬ್ರೆಸೆಂಟ್), ಬುಡ ಚೂಪು ಅಥವಾ ದುಂಡು, ದುಂಡಾಗಿದ್ದು ಕ್ರಮೇಣ ತುದಿಯಲ್ಲಿ ಚೂಪಾಗುತ್ತದೆ, ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪಮಂಜರಿ ಒಂದು ಸಂಕೀರ್ಣ ಪುಷ್ಪ ಗುಚ್ಛ (ಪ್ಯಾನಿಕಲ್). ಸಣ್ಣ ಬಿಳಿ ಬಣ್ಣದ ಹೂಗಳು ಉಭಯಲಿಂಗಿಗಳಾಗಿರುತ್ತವೆ, 4-ಭಾಗಗಳಿರುವ (ಮೆರಸ್), ಈ ಹೂವುಗಳು ಮೃದುತುಪ್ಪಳವನ್ನು ಹೊಂದಿರುತ್ತವೆ. ಹಣ್ಣು ಉಪಗೋಳಾಕಾರದಿಂದ ಎರಡೂ ತುದಿ ಚಪ್ಪಟೆಯಾಗಿರುವ ಬೆರ್ರಿ, ದಟ್ಟವಾಗಿ ಉಬ್ಬುಮೈಯ(ಕಾನ್ವೆಕ್ಸ್) ಗ್ರಂಥಿಗಳಿಂದ ಒತ್ತಾಗಿ ಮುಚ್ಚಲ್ಪಟ್ಟಿರುತ್ತದೆ, ಒಣಗಿದಾಗ ಪರಿಮಳಭರಿತವಾಗುತ್ತದೆ. ಮೂತ್ರಪಿಂಡ (ರೆನಿಫಾರ್ಮ್) ದಾಕಾರದ 2 ಬೀಜಗಳಿರುತ್ತವೆ.