ವಿವರಣೆ

10-15 ಮೀ ಎತ್ತರವಿರುವ ನಿತ್ಯಹರಿದ್ವರ್ಣ ಮರಗಳು. ಕೊಂಬೆಗಳು ಜೋತಾಡುತ್ತಿರುತ್ತವೆ; ಕಿರುಕೊಂಬೆಗಳು ಮುಳ್ಳಿನಂತಹ ಕಾವಿನೆಲೆಗಳನ್ನು ಹೊಂದಿರುತ್ತವೆ.. ಗರಿಯಂತಹ (ಪಿನ್ನೇಟ್)ಎಲೆಗಳು , ಆಲ್ಟರ್ನೇಟ್ ಆಗಿರುತ್ತವೆ, 1 ಜೋಡಿ ಉಪಪರ್ಣಗಳಿರುತ್ತವೆ; ಉಪಪರ್ಣಗಳು ಮತ್ತು ಚಿಗುರೆಲೆಗಳ ಸಂಧಿಯಲ್ಲಿ ಗ್ರಂಥಿಗಳಿರುತ್ತವೆ; ಪ್ರತಿ ಉಪಪರ್ಣಕ್ಕೆ 1 ಜೋಡಿಯಂತೆ, ಎಲಿಪ್ಟಿಕ್ ಅಥವಾ ಒಬೊವೇಟ್ – ಎಲಿಪ್ಟಿಕ್ ಆಕಾರದ, ತೊಟ್ಟಿಲ್ಲದ ಚಿಗುರೆಲೆಗಳಿರುತ್ತವೆ, ರೋಮರಹಿತವಾಗಿರುತ್ತವೆ, ಬುಡ ಸ್ವಲ್ಪ ಓರೆಯಾಗಿರುತ್ತದೆ, ತುದಿ ಮೊಂಡು ಅಥವಾ ಕಚ್ಚುಳ್ಳದ್ದಾಗಿರುತ್ತದೆ, ಅಂಚು ಸಂಪೂರ್ಣವಾಗಿರುತ್ತದೆ. ಪುಷ್ಪಮಂಜರಿಗಳು ಜೋತಾಡುವ ರೀತಿಯಲ್ಲಿದ್ದು, ತುದಿಯ ಸಂಯುಕ್ತ ಪುಷ್ಪಗುಚ್ಛಗಳಾಗಿ ಒಟ್ಟಾಗಿರುತ್ತವೆ. ದ್ವಿಲಿಂಗಿ ಹೂವುಗಳು, ಹಸಿರು ಮಿಶ್ರಿತ ಬಿಳಿ ಬಣ್ಣದಲ್ಲಿರುತ್ತವೆ. ಹಣ್ಣು ಹಸಿರು ಅಥವಾ ಕೆಂಪು-ಕಂದು ಬಣ್ಣದ, )ಬಿಳಿಯಿಂದ ಗುಲಾಬಿ ಬಣ್ಣದ ತಿರುಳ ರಸಲೆ (ಅರಿಲ್) ಇರುವಂತಹ, ಗುಂಡಗೆ ಸುತ್ತಿಕೊಂಡಿರುವ ಒಂದು ಬೀಜಕೋಶ (ಪಾಡ್). ಗಾಢ ಕಂದು ಬಣ್ಣದ, ಬದಿಯಲ್ಲಿ ಬೇಳೆಗಳಿರುವಂತಹ (ಪ್ಲುರೋಗ್ರಾಮ್). ಅಂಡಾಕಾರ-ಎಲಿಪ್ಸಾಯ್ಡ್ ಆಕಾರದ, ಗಟ್ಟಿಯಾದ 5 -9 ಹೊಳೆಯುವ ಬೀಜಗಳಿರುತ್ತವೆ..