ವಿವರಣೆ

12 ರಿಂದ 15 ಮೀ ಎತ್ತರವಿರುವ ನಿತ್ಯಹರಿದ್ವರ್ಣ ಮರವಾಗಿದೆ; ತೊಗಟೆ ನಯವಾಗಿರುತ್ತದೆ, ಹಾಗೂ ಬೂದಿ ಬಣ್ಣದಲ್ಲಿರುತ್ತದೆ; ಕಿರುಕೊಂಬೆಗಳು ಕಬ್ಬಿಣ ತುಕ್ಕು ಹಿಡಿದ ರೀತಿ ಕಾಣುವ ಮೃದುವಾದ ತುಪ್ಪಳವನ್ನು ಹೊಂದಿರುತ್ತವೆ. ಎಲೆಗಳು ಬಹುರೂಪಿಯಾಗಿವೆ, ಅಂಡಾಕಾರದಿಂದ ಕಕ್ಷೀಯ ಅಥವಾ ಆಯತಾಕಾರ, ಹೃದಯದ ಆಕಾರದಲ್ಲಿರುತ್ತವೆ. ಎಲೆಯ ಅಡಿಯಲ್ಲಿ ದಟ್ಟವಾಗಿ ಬೂದು ಬಣ್ಣದ ಉಣ್ಣೆಯ ರೀತಿಯ ಕೂದಲಿನಿಂದ ಮುಚ್ಚಿರುತ್ತವೆ. ಕೆಲವೊಮ್ಮೆ ತಳವು ಗುರಾಣಿ ಆಕಾರದಲ್ಲಿರುತ್ತವೆ. ಸಂಪೂರ್ಣ ಅಥವಾ ಅಲೆಅಲೆಯಾದ ತುದಿಯನ್ನು ಹೊಂದಿದ್ದು ಅಂಚು ಒರಟಾಗಿ ಗರಗಸದ ಹಲ್ಲಿನ ರೀತಿ ಇರುತ್ತವೆ. ಪುಷ್ಪಮಂಜರಿ ಮರದ ಅಕ್ಷದಿಂದ ಬೆಳೆಯುವ ಅಥವಾ ಒಂಟಿಯಾಗಿ ಸಪಾಟಾದ-ಮೇಲ್ಭಾಗದ (ಸೈಮ್) ಹೂಗೊಂಚಲನ್ನು ಹೊಂದಿರುತ್ತವೆ. ಹೂವುಗಳು ಸಣ್ಣ ಮೃದುವಾದ ಕೂದಲಿನಿಂದ ಮುಚ್ಚಲ್ಪಟ್ಟಿವೆ, ಹೆಚ್ಚು ಪರಿಮಳಯುಕ್ತ ಮತ್ತು ಬಿಳಿ ಬಣ್ಣವನ್ನು ಹೊಂದಿರುತ್ತವೆ. ಉದ್ದವಾದ, ಮರದಂತಹ ಕಂದು ಬಣ್ಣವನ್ನುಹೊಂದಿದ ,ಸರಳ, ಒಣ, ಹಾಗೂ ಬೀಜವನ್ನು ಬಿಡುಗಡೆ ಮಾಡಲು ತೆರೆದುಕೊಳ್ಳುವ (ಕ್ಯಾಪ್ಸುಲ್) ಹಣ್ಣನ್ನು ಹೊಂದಿರುತ್ತವೆ. ಹಣ್ಣುಗಳು 5 ಭಾಗಗಳನ್ನು ಹೊಂದಿದ್ದು ಮೇಲ್ಮೈ ಉಬ್ಬಿನ ರಚನೆಯನ್ನು ಹೊಂದಿವೆ. ಬೀಜಗಳು ಓರೆಯಾಗಿ ಅಂಡಾಕಾರದಲ್ಲಿರುತ್ತವೆ, ದೊಡ್ಡ ಪೊರೆಯ ರೆಕ್ಕೆಯೊಂದಿಗೆ ಸಂಕುಚಿತವಾಗಿರುತ್ತವೆ.