ವಿವರಣೆ

15 ಮೀ ಎತ್ತರದವರೆಗಿನ, ನಿತ್ಯಹರಿದ್ವರ್ಣ ಮರವಾಗಿವೆ. ಎಲೆಗಳು ಸರಳ, ಪರ್ಯಾಯ, ಅಂಡಾಕಾರ ಅಥವಾ ಅಂಡಾಕಾರದಿಂದ ಹೃದಯದ ಆಕಾರದಲ್ಲಿದ್ದು ಎಲೆಯ ಕೆಳಗಿನ ಮೇಲ್ಮೈಯಲ್ಲಿ ಅನೇಕ ಮುಖ್ಯ ನಾಳದ ಬಳಿ ಕೂದಲಿನ ಗುಂಪನ್ನು ಹೊಂದಿರುತ್ತವೆ, ತಳವು ಸಾಮಾನ್ಯವಾಗಿ ದುಂಡಗಿನ ಹಾಲೆಗಳೊಂದಿಗೆ ಆಳವಾಗಿ ಜೋಡಿಸಲ್ಪಟ್ಟಿದ್ದು, ಕೆಲವೊಮ್ಮ ಹಳೆಯ ಮರದಲ್ಲಿ ಇವು ದುಂಡಾಗಿ ಅಥವಾ ಮೊಂಡಾಗಿರುತ್ತದೆ. ತುದಿಯು ಗ್ರಂಥಿಗಳಿಂದ (ಒಂದು ಅಥವಾ ಹೆಚ್ಚಿನ ಉತ್ಪನ್ನಗಳನ್ನು ಸ್ರವಿಸುವ ಸಸ್ಯ ರಚನೆ) ಕೂಡಿದ್ದು ಸಂಪೂರ್ಣ ಅಂಚನ್ನು ಹೊಂದಿರುತ್ತವೆ. ಗಂಡು ಮತ್ತು ಹೆಣ್ಣು ಸಂತಾನೋತ್ಪತ್ತಿ ಅಂಗಗಳು ಪ್ರತ್ಯೇಕ ಮರದಲ್ಲಿರುತ್ತವೆ (ಡೈಯೋಸಿಯಸ್), ಆದರೆ ಕೆಲವೊಮ್ಮೆ ಗಂಡು ಮತ್ತು ಹೆಣ್ಣು ಪ್ರತ್ಯೇಕ ಶಂಕುಗಳು ಅಥವಾ ಹೂವುಗಳು ಒಂದೇ ಮರದಲ್ಲಿಇರುತ್ತವೆ (ಮೊನೊಸಿಯಸ್) . ಗಂಡು ಹೂಗೊಂಚಲುಗಳು ಸಮತಟ್ಟಾದ ಮೇಲ್ಭಾಗವನ್ನು ಹೊಂದಿದ್ದು, ಅನೇಕ ಸಿಮೆಲೆಟ್‌ಗಳನ್ನು ಹೊಂದಿರುತ್ತವೆ. ಹೆಣ್ಣು ಹೂಗೊಂಚಲುಗಳು ಸಮತಟ್ಟಾದ ತಲೆಯ, ಅನಿರ್ದಿಷ್ಟ ರೀತಿಯ ಹೂಗೊಂಚಲುಗಳಾಗಿದ್ದು, ಹೂವುಗಳನ್ನು ಹೊಂದಿರುವ ಚಿಗುರುಗಳ ಉದ್ದಕ್ಕೂ ಸಣ್ಣ ಹೂವಿನ ಕಾಂಡಗಳನ್ನು ಹೊಂದಿರುತ್ತದೆ ಅಥವಾ ಒಂದು (ಥೈರ್ಸ್) ಇದರಲ್ಲಿ ಮುಖ್ಯ ಅಕ್ಷವು ಅನಿರ್ದಿಷ್ಟವಾಗಿ ಬೆಳೆಯುತ್ತದೆ ಮತ್ತು ಉಪಾಕ್ಷಗಳು (ರೆಂಬೆಗಳು) ನಿರ್ಣಾಯಕ ಬೆಳವಣಿಗೆಯನ್ನು ಹೊಂದಿರುತ್ತವೆ. ಹೂಗಳು ಏಕಲಿಂಗಿಯಾಗಿದ್ದು, ಬಿಳಿ ಬಣ್ಣದಲ್ಲಿರುತ್ತವೆ. ಸರಳ,ಒಣ, ಮತ್ತು ಬೀಜವನ್ನು ಬಿಡುಗಡೆ ಮಾಡಲು ಬಾಯಿ ಬಿರಿಯುವ ಹಣ್ಣನ್ನು ಹೊಂದಿದ್ದು, ಚಪ್ಪಟೆಯಾದ ಗೋಳಾಕಾರದಿಂದ ಮೊಂಡಾದ ತ್ರಿಕೋನಾಕಾರದಲ್ಲಿರುತ್ತವೆ; ಮರದ ಅಂಡಾಶಯದ ಆವರಣವು (ಬೀಜದ ಸಿಂಬಿ), ಉದ್ದವಾಗಿ 3 ಕೋನಗಳುಳ್ಳ, ಸುಕ್ಕುಗಟ್ಟಿದ, ದಟ್ಟವಾಗಿ, ತುಂಬಾ ನಯವಾದ ಸೂಕ್ಷ್ಮ ಕೂದಲಿನ ಪದರದಿಂದ ಆವೃತವಾಗಿರುತ್ತದೆ.