ವಿವರಣೆ

12 ರಿಂದ 15 ಮೀ ಎತ್ತರವಿರುವ, ನಿತ್ಯಹರಿದ್ವರ್ಣ ಮರವಾಗಿವೆ. ಇದರ ತೊಗಟೆಯು ಬೂದು ಮಿಶ್ರಿತ ಕಂದು ಬಣ್ಣವನ್ನು ಹೊಂದಿದ್ದು, ನಯವಾಗಿರುತ್ತದೆ. ತೊಗಟೆಯು ವರ್ಷಗಳ ನಂತರ ಬಿರುಕು ಬಿಡುತ್ತವೆ. ಕಿರುಕೊಂಬೆಗಳು ಹಸಿರು ಮಿಶ್ರಿತ ಕಂದು ಬಣ್ಣವನ್ನು ಹೊಂದಿದ್ದು, ಕೆಲವೊಮ್ಮೆ ಸೂಕ್ಷ್ಮ ಕೂದಲಿನ ಪದರದಿಂದ ಆವೃತವಾಗಿರುತ್ತದೆ. ಇವುಗಳ ಎಲೆಗಳು ಕಾಂಡದ ಎರಡೂ ಬದಿಗಳಲ್ಲಿ ಚಿಗುರೆಲೆಗಳನ್ನು ಹೊಂದಿರುತ್ತವೆ, ಸಾಮಾನ್ಯವಾಗಿ ಪರಸ್ಪರ ಪರ್ಯಾಯವಾಗಿ ಕೂಡಿಕೊಂಡಿರುತ್ತವೆ; ಇವು 6 ರಿಂದ 10 ಜೋಡಿಗಳ ಚಿಗುರೆಲೆಗಳನ್ನು ಹೊಂದಿದ್ದು, ಆಯತಾಕಾರ ಅಥವಾ ಅಂಡಾಕಾರದಿಂದ ಆಯತಾಕಾರವಾಗಿರುತ್ತವೆ. ಚರ್ಮದ ವಿನ್ಯಾಸವನ್ನು ಹೋಲುವ, ಎಲೆಗಳ ಕೆಳಗಿನ ಮೇಲ್ಮೈ ಮೃದುವಾದ ಕೂದಲಿನಿಂದ ಆವೃತವಾಗಿರುತ್ತದೆ. ಹಾಗೂ ಎಲೆಯ ಮೇಲ್ಮೈ ನಯವಾಗಿ ರೋಮರಹಿತವಾಗಿರುತ್ತದೆ. ಇವು ದುಂಡಾದ ತಳ, ಮೊಂಡಾಗಿ ದುಂಡಾದ ತುದಿ, ಸಾಮಾನ್ಯವಾಗಿ ಕುಚ್ಚುಮಾಡಿದಂತಹ ಅಂಚನ್ನು ಹೊಂದಿದ್ದು, ಚೂಪಾದ ಬಿಂದುವಿನಲ್ಲಿ ಕೊನೆಯಾಗುವ, ಸಂಪೂರ್ಣ ಅಂಚನ್ನು ಹೊಂದಿರುತ್ತವೆ. ಹೂಗೊಂಚಲು ಕವಲೊಡೆದ, ಅನಿರ್ದಿಷ್ಟ ರೀತಿಯಲ್ಲಿದ್ದು, ಹೂವುಗಳನ್ನು ಹೊಂದಿರುವ ಚಿಗುರುಗಳ ಉದ್ದಕ್ಕೂ ಸಣ್ಣ ಹೂವಿನ ಕಾಂಡಗಳನ್ನು ಹೊಂದಿರುತ್ತದೆ. ಹೂವುಗಳು ದ್ವಿಲಿಂಗಿಯಾಗಿದ್ದು, ಸಂಪೂರ್ಣ, ಪ್ರಕಾಶಮಾನವಾದ ಹಳದಿ ಬಣ್ಣವನ್ನು ಹೊಂದಿರುತ್ತವೆ. ಇವು ಸಾಮಾನ್ಯವಾಗಿ ಚಿಕ್ಕದಾದ, ಮಾರ್ಪಡಿಸಿದ ಅಥವಾ ವಿಶೇಷವಾದ ಎಲೆಯನ್ನು ಹೊಂದಿದ್ದು,ಅದರ ಅಕ್ಷದಲ್ಲಿ ಹೂವನ್ನು ಹೊಂದಿರುತ್ತವೆ ಮತ್ತು ಇವು ಒಣಗಿದ್ದರೂ, ಬೀಳುವ ನಿರೀಕ್ಷಿತ ಸಮಯವನ್ನು ಮೀರಿ, ಮರಕ್ಕೆ ಅಂಟಿಕೊಂಡಿರುತ್ತವೆ. ಇವು ಕಪ್ಪು ಮತ್ತು ಕಂದು ಬಣ್ಣದ ಪಾಡ್ (ಹಣ್ಣಾದಾಗ ಅದರ ಬೀಜಗಳನ್ನು ಬಿಡುಗಡೆ ಮಾಡಲು ಸಾಮಾನ್ಯವಾಗಿ ಎರಡು ಸ್ತರಗಳ ಉದ್ದಕ್ಕೂ ವಿಭಜಿಸುತ್ತದೆ) ರೀತಿಯ ಹಣ್ಣುಗಳನ್ನು ಹೊಂದಿದ್ದು, ಉದ್ದವಾಗಿ ,ಕಿರಿದಾಗಿ , ಸಪಾಟಾಗಿ, ಹಾಗೂ ಪಟ್ಟಿಯ ಆಕಾರವನ್ನು ಹೊಂದಿರುತ್ತವೆ. ಇವು ಹಣ್ಣಿನ ಹೊರಗಡೆ ಸ್ಟಿಪಿಟೇಟ್ (ವಿಶೇಷವಾಗಿ ಶಿಲೀಂಧ್ರ) ಹೊಂದಿದ್ದು, ಸಿಲೆಂಡರ್ ಆಕಾರದಿಂದ ಸಂಕುಚಿತವಾಗಿರುತ್ತದೆ, ಮತ್ತು ಬಾಯಿ ಬಿರಿಯುವ, ಹಲವಾರು ಬೀಜಗಳ ನಡುವೆ ಗೋಡೆಯಂತಹ ರಚನೆಯನ್ನು ಹೊಂದಿರುತ್ತದೆ. ಬೀಜಗಳು ಹುರುಳಿ ಆಕಾರದಲ್ಲಿರುತ್ತವೆ ಮತ್ತು ಹೊಳೆಯುವ ಗಾಢ ಬಣ್ಣದಲ್ಲಿರುತ್ತವೆ.