ವಿವರಣೆ

30 ಮೀ ಎತ್ತರದವರೆಗಿನ ಅರೆ-ನಿತ್ಯಹರಿದ್ವರ್ಣ ಮರವಾಗಿದೆ, ಮರವನ್ನು ಬೆಂಬಲಿಸುವ ಕಾಂಡದ ಪ್ಲೇಟ್‌ನಂತಹ ವಿಸ್ತರಣೆಯಾಗಿ ನೆಲದ ಮೇಲೆ ಬೆಳೆಯುವ ಮರದ ಬೇರನ್ನು ಹೊಂದಿರುತ್ತದೆ; ಇವುಗಳ ತೊಗಟೆ ಸಮತಟ್ಟಾಗಿರುತ್ತದೆ ಹಾಗೂ ಸ್ವಲ್ಪ ಕೆಂಪಾಗಿರುತ್ತದೆ. ಇವು ಬೂದು ಬಣ್ಣದ ವಿಸ್ತರಿಸದ ನಯವಾದ ರೆಂಬೆಗಳನ್ನು ಹೊಂದಿರುತ್ತದೆ. ಎಳೆಗಳು (ಸಂಯೋಜಿತ ಎಲೆಯ) ಕಾಂಡದ ಎರಡೂ ಬದಿಗಳಲ್ಲಿ ಚಿಗುರೆಲೆಗಳನ್ನು ಹೊಂದಿರುತ್ತದೆ, ಸಾಮಾನ್ಯವಾಗಿ ಪರಸ್ಪರ ವಿರುದ್ಧವಾಗಿ ಕೂಡಿರುತ್ತವೆ. ಚಿಗುರೆಲೆಗಳು 5 ಎಲೆಗಳ ಜೋಡಿಯಾಗಿದೆ,ಇವು ಅಂಡಾಕಾರದಿಂದ ಈಟಿಯ ತಲೆಯ ಆಕಾರವನ್ನು ಹೊಂದಿದೆ, ಗಡುಸಾದ, ರೋಮರಹಿತವಾದ ಅಥವಾ ವಿರಳವಾದ ರೋಮಗಳುಳ್ಳ, ತಿಳಿ ಹಸಿರಿನಿಂದ ಕಾಡು ಹಸಿರು ಬಣ್ಣದ ಎಲೆಯ ಕೆಳಗಿನ ಮೇಲ್ಮೈ, ಬಾಗಿದ ತಳವನ್ನು ಹೊಂದಿರುತ್ತದೆ, ಹಾಗೂ ಉದ್ದವಾಗಿ ಕೊನೆಗೊಳ್ಳುವ ಎಲೆಯ ತುದಿಯು, ಸಂಪೂರ್ಣ ಅಂಚು ಇಲ್ಲವೇ ದಂತುರೀಕೃತ ಅಂಚನ್ನು ಹೊಂದಿರುತ್ತದೆ. ಕಾಂಡದ ತುದಿಯಲ್ಲಿ ಹುಟ್ಟುವ ಕವಲೊಡೆದ ಹೂಗೊಂಚಲು ಹೊಂದಿದೆ. ಹೂವುಗಳು ಚಿಕ್ಕದಾಗಿರುತ್ತವೆ, ಇವು ದ್ವಿಲಿಂಗಿ ಆಗಿವೆ, ಮತ್ತು ಕೆನೆ-ಹಳದಿ ಬಣ್ನವನ್ನು ಹೊಂದಿದ್ದು, ರೋಮರಹಿತವಾಗಿರುತ್ತವೆ. ಇವು ಅಂಡಾಕಾರದ,ಕಂಡು ಬಣ್ಣದ, ಕ್ಯಾಪ್ಸುಲ್ (ಸರಳ, ಒಣ, ತಿರುಳಿರುವ, ಬೀಜವನ್ನು ಹೊರಹಾಕಲು ಬಾಯಿ ಬಿರಿಯುವ ಹಣ್ಣು) ಹಣ್ಣುಗಳನ್ನು ಹೊಂದಿರುತ್ತದೆ ಮತ್ತು ಇದರ ಬೀಜದ ತುದಿಯಲ್ಲಿ ರೆಕ್ಕೆಗಳಿರುತ್ತವೆ.