ವಿವರಣೆ

ನಿತ್ಯಹರಿದ್ವರ್ಣ ಅಥವಾ ಒಣ ಪತನಶೀಲ ಮರವಾಗಿದ್ದು,15 ಮೀ ಎತ್ತರ ಬೆಳೆಯುತ್ತವೆ. ತೊಗಟೆಯು ಗಾಢ ಕಂದು ಬಣ್ಣವನ್ನು ಹೊಂದಿರುತ್ತದೆ. ಮರದ ಹೊರ ಪದರದ ಗುರುತು (ಬ್ಲೇಜ್) ಹಳದಿ ಮಿಶ್ರಿತ ಗುಲಾಬಿ ಬಣ್ಣದಲ್ಲಿರುತ್ತದೆ; ಕಿರುಕೊಂಬೆಗಳು ದಟ್ಟವಾಗಿ ಸೂಕ್ಷ್ಮ ಹೊಳಪುಳ್ಳ (ಸ್ಕೇಲ್) ಪೊರೆಯಿಂದ ಮುಚ್ಚಿರುತ್ತದೆ. ಎಲೆಗಳು ಸರಳ, ಪರ್ಯಾಯ, ವೃತ್ತಾಕಾರ ಅಥವಾ ಅಂಡಾಕಾರ, ಚರ್ಮದ ವಿನ್ಯಾಸದಿಂದ ಕೂಡಿದ್ದು ಎಲೆಯ ಮೇಲೆ ಕಾಂಡಕ್ಕೆ ಕೆಳಗಿನ ಮೇಲ್ಮೈಯಿಂದ ಜೋಡಿಸಲಾದ ಪೊರೆಗಳಿಂದ ಕೂಡಿದೆ; ಅಡಿಯಲ್ಲಿ ಹೊಳಪುಳ್ಳ ಅಥವಾ ನಕ್ಷತ್ರಾಕಾರದ ದಟ್ಟವಾದ ಕೂದಲುಗಳನ್ನು ಹೊಂದಿದೆ. ಎಲೆಯ ತಳವು ಹೃದಯದ ಆಕಾರ ಅಥವಾ ಮೊಟಕುಗೊಂಡಿದೆ. ಎಲೆಯ ತುದಿ ಚೂಪಾದ ಅಥವಾ ಉದ್ದವಾದ ಬಿಂದುವಿಗೆ ಮೊನಚಾಗಿದ್ದು, ಸಂಪೂರ್ಣ ಅಥವಾ ಹಲ್ಲಿನ ರೀತಿಯ ಅಂಚನ್ನು ಹೊಂದಿರುತ್ತವೆ. ಇವು ಒಂಟಿಯಾದ ಅಥವಾ ಕೊಂಬೆಯ ತುದಿಯಲ್ಲಿ ಮತ್ತು ಸಂಪೂರ್ಣ-ಅಭಿವೃದ್ಧಿ ಹೊಂದಿದ ಎಲೆಯ ಅಕ್ಷದಲ್ಲಿ ಹುಟ್ಟುವ ಹೂಗೊಂಚಲನ್ನು ಹೊಂದಿದೆ. ಹಳದಿ ಬಣ್ಣದ ದ್ವಿಲಿಂಗಿ ಹೂವುಗಳನ್ನು ಹೊಂದಿದ್ದು, ಆಕರ್ಷಕವಾಗಿದೆ. ಇವು ಗೋಳಾಕಾರದ, (ಕ್ಯಾಪ್ಸುಲ್ಗಳು) ಒಣ, ಸರಳ, ತಿರುಳನ್ನು ಹೊಂದಿರುವ ಹಣ್ಣನ್ನು ಹೊಂದಿದ್ದು ಬೀಜವನ್ನು ಬಿಡುಗಡೆ ಮಾಡಲು ಬಾಯಿ ತೆರೆದುಕೊಳ್ಳುವುದಿಲ್ಲ. ಹಣ್ಣುಗಳ ಸುತ್ತಲೂ ಚಿಪ್ಪನ್ನು ಹೊಂದಿದ್ದು, ಹೊಳೆಯುತ್ತವೆ. ಹಿಂಭಾಗದಲ್ಲಿ ರೇಖೆಗಳನ್ನು ಹೊಂದಿರುವ ಅನೇಕ ಅಂಡಾಕಾರದ ಬೀಜಗಳನ್ನು ಹೊಂದಿದ್ದು ಮೃದುತುಪ್ಪಳದಿಂದ ಕೂಡಿರುತ್ತವೆ.