ವಿವರಣೆ

10 ಮೀಟರ್ ಎತ್ತರದವರೆಗೆ ಬೆಳೆಯುವ ನಿತ್ಯಹರಿದ್ವರ್ಣ ಅಥವಾ ಪತನಶೀಲ ಮರವಾಗಿದೆ. ತೊಗಟೆ ಗಾಢ ಬೂದು ಅಥವಾ ಬಹುತೇಕ ಕಪ್ಪು ಬಣ್ಣವನ್ನು ಹೊಂದಿದ್ದು, ತೊಗಟೆಯ ಮೇಲ್ಮೈ ಆಳವಾದ ಲಂಬವಾದ ಬಿರುಕುಗಳನ್ನು ಹೊಂದಿರುತ್ತವೆ, ಮತ್ತು ಈ ಬಿರುಕುಗಳು ನಸುಗೆಂಪು ಮತ್ತು ಒಳಭಾಗವು ನಾರಿನಿಂದ ಕೂಡಿರುತ್ತದೆ; ಕಿರುಕೊಂಬೆಗಳಲ್ಲಿರುವ ಎಲೆಯ ತೊಟ್ಟು ಮತ್ತು ಎಲೆಯ ಕೆಳಭಾಗವು ನಸು ಹಳದಿ ಮಿಶ್ರಿತ ಬಿಳಿ ಬಣ್ಣ, ಹಾಗೂ ದಟ್ಟವಾದ ಉಣ್ಣೆಯ ಕೂದಲಿನಿಂದ ಕೂಡಿದ್ದು, ಮುಳ್ಳುಮುಳ್ಳಾದ ಮೇಲ್ಮೈ ಹೊಂದಿರುತ್ತವೆ. ಎಲೆಗಳು ಸರಳ, ಪರ್ಯಾಯವಾಗಿ ಕೂಡಿಕೊಂಡಿರುತ್ತದೆ. ಇವು ಅಂಡಾಕಾರ, ದೀರ್ಘವೃತ್ತೀಯ-ಅಂಡಾಕಾರ, ದೀರ್ಘವೃತ್ತೀಯ-ಕಕ್ಷೀಯ ಅಥವಾ ಸುಮಾರು ಕಕ್ಷೀಯ ಆಕಾರದಲ್ಲಿರುತ್ತವೆ. ಎಲೆಯ ಮೇಲ್ಮೈ ತುಪ್ಪಳರಹಿತವಾಗಿದ್ದು, ಚರ್ಮದ ವಿನ್ಯಾಸವನ್ನು ಹೋಲುತ್ತವೆ. ಎಲೆಯ ಬುಡವು ಓರೆಯಾಗಿ, ಸುಮಾರು ಹೃದಯದ ಆಕಾರವನ್ನು ಅಥವಾ ವ್ರತ್ತಾಕಾರವಾಗಿರುತ್ತದೆ ಹಾಗೂ ತುದಿಯ ಸಹ ವ್ರತ್ತಾಕಾರವಾಗಿರುತ್ತದೆ. ಎಲೆಯ ಅಂಚು ಗ್ರಂಥಿಗಳಿಂದ ಕೂಡಿದ ಹಲ್ಲಿನಂತೆ ಅಥವಾ ಗರಗಸದಂತೆ ಹಲ್ಲನ್ನು ಹೊಂದಿರುತ್ತವೆ. ಅಕ್ಷಾಕಂಕುಳಿನಲ್ಲಿ ಚಪ್ಪಟೆ ಆಕಾರದ ಕವಲೊಡೆದ ಗೊಂಚಲು ಹೊಂದಿದ್ದು, ಅದರಲ್ಲಿ ಮುಖ್ಯ ಮತ್ತು ರೆಂಬೆಯ ಕಾಂಡಗಳ ಪ್ರತಿ ತುದಿಯಲ್ಲಿ ಹೂವಿನಲ್ಲಿ ಹೊಂದಿರುತ್ತವೆ, ಅದರ ಕೆಳಗೆ ಅಥವಾ ಅದರ ಬದಿಯಲ್ಲಿ ಹೂವುಗಳು ಹುಟ್ಟುತ್ತವೆ. ಹೂಗಳು ದ್ವಿಲಿಂಗಿಯಾಗಿದ್ದು ಹಸಿರು ಮಿಶ್ರಿತ ಹಳದಿ ಬಣ್ಣದಲ್ಲಿರುತ್ತವೆ. ಇವು ಡ್ರೂಪ್ಸ್ (ತೆಳುವಾದ ಚರ್ಮವನ್ನು ಹೊಂದಿರುವ ತಿರುಳಿರುವ ಹಣ್ಣಾಗಿದ್ದು ಮದ್ಯದಲ್ಲಿ ಬೀಜವನ್ನು ಹೊಂದಿರುತ್ತದೆ) ರೀತಿಯ ಹಣ್ಣುಗಳನ್ನು ಹೊಂದಿದ್ದು, ಆಯತಾಕಾರದಿಂದ ಗೋಳಾಕಾರದಲ್ಲಿರುತ್ತದೆ, ಹಾಗೂ ಇದರ ಹಣ್ಣುಗಳು ಹಳದಿ ಅಥವಾ ಕಿತ್ತಳೆ ಬಣ್ಣವನ್ನು ಹೊಂದಿರುತ್ತದೆ. ಇವು ಸಂಕುಚಿತವಾದ 1 ರಿಂದ 2 ಬೀಜಗಳನ್ನು ಹೊಂದಿರುತ್ತವೆ.