ವಿವರಣೆ

20 ಮೀ ಎತ್ತರದವರೆಗೆ ಬೆಳೆಯುವ, ನಿತ್ಯಹರಿದ್ವರ್ಣ ಮರವಾಗಿದೆ. ತೊಗಟೆ ಮಸುಕಾದ ಬೂದು ಬಣ್ಣವನ್ನು ಹೊಂದಿದೆ, ಕಿರುಕೊಂಬೆಗಳು ಮೊದಲು ಸೂಕ್ಷ್ಮವಾದ ಕೂದಲನ್ನು ಹೊಂದಿರುತ್ತದೆ, ನಂತರ ರೋಮರಹಿತವಾಗಿ, ನೇರವಾಗಿ ಕವಲೊಡೆಯುತ್ತದೆ. ಎಲೆಗಳು ಸರಳ, ಪರ್ಯಾಯ, ಅಂಡಾಕಾರದಿಂದ - ಈಟಿಯ ತಲೆಯ ಆಕಾರ, ಆಯತಾಕಾರದಿಂದ-ಈಟಿಯ ತಲೆಯ ಆಕಾರ ಅಥವಾ ವಿಶಾಲವಾದ ಅಂಡಾಕಾರವನ್ನು ಹೊಂದಿರುತ್ತದೆ, ಚರ್ಮವನ್ನು ಹೋಲುವ, ತಳವು ಮೊಂಡು ಅಥವಾ ದುಂಡಾಗಿರುತ್ತದೆ, ಚೂಪಾದ ಅಥವಾ ಕಡಿಮೆ ಚೂಪಾದ ತುದಿ, ಮತ್ತು ಸಂಪೂರ್ಣವಾದ ಅಂಚನ್ನು ಹೊಂದಿರುತ್ತದೆ. ಪುಷ್ಪಮಂಜರಿ ಅಕ್ಷಾಕಂಕುಳಿನಲ್ಲಿದ್ದು, ಮಧ್ಯ ಕಾಂಡದ ಉದ್ದಕ್ಕೂ ಸಮಾನ ಅಂತರದಲ್ಲಿ ಸಣ್ಣ ಸಮಾನ ಕಾಂಡಗಳಿಂದ ಜೋಡಿಸಲಾದ (ರಸೀಮ್) ಜೋಲುಬಿದ್ದಿರುವ ಹೂಗೊಂಚಲನ್ನು ಹೊಂದಿರುತ್ತದೆ. ಹೂವುಗಳು ಪರಿಮಳಯುಕ್ತವಾಗಿದ್ದು, ದ್ವಿಲಿಂಗಿ ಆಗಿದೆ, ಇವು 6 ದಳಗಳನ್ನು ಹೊಂದಿವೆ, ಹೂವು ಪ್ರಾರಂಭದಲ್ಲಿ ಹಸಿರು, ಸಂಪೂರ್ಣವಾಗಿ ಬೆಳೆದಾಗ ಹಳದಿ ಬ್ಬಣ್ಣವನ್ನು ಪಡೆಯುತ್ತದೆ, ಹಾಗೂ ಸೂಕ್ಷ್ಮವಾದ ಮೃದು ಕೂದಲಿನಿಂದ ಕೂಡಿರುತ್ತದೆ. ಇವು (ಬೆರ್ರಿ) ಸಣ್ಣ ತಿರುಳಿರುವ ಹಣ್ಣನ್ನು ಹೊಂದಿದ್ದು ಸಾಮಾನ್ಯವಾಗಿ ಎಲೆಗಳ ಕಾಂಡದ ಎರಡೂ ಬದಿಯಿಂದ ಎಲೆಗಳು ಅಥವಾ ಹೂವುಗಳೊಂದಿಗೆ ಒಟ್ಟಿಗೆ ಕಿಕ್ಕಿರಿದು ಬೆಳೆಯುತ್ತದೆ. ಇವು ಮೊನೊಕಾರ್ಪಿಕ್ (ಒಮ್ಮೆ ಮಾತ್ರ ಹೂಬಿಡುತ್ತದೆ ಮತ್ತು ನಂತರ ಸಾಯುತ್ತದೆ) ಆಗಿದೆ. ಮತ್ತು ಅಂಡಾಕಾರದ, ಗೋಳಾಕಾರದ ಅಥವಾ ಆಯತಾಕಾರ, ತಿರುಳು ಹೊಂದಿದ , ರೋಮರಹಿತವಾದ, ಮಾಗಿದಾಗ ಕಪ್ಪು ಬಣ್ಣದಲ್ಲಿರುವ ಹಣ್ಣನ್ನು ಹೊಂದಿರುತ್ತದೆ. ಪ್ರತಿ ಮೊನೊಕಾರ್ಪ್‌ ನಲ್ಲಿ 2 ರಿಂದ 12 ಬೀಜಗಳಿರುತ್ತವೆ.