ವಿವರಣೆ

15 ಮೀ ವರೆಗೆ ಎತ್ತರವಿರುವ ಇರುವ, ಚಿಕ್ಕ ಗಾತ್ರದಿಂದ ಮಧ್ಯಮ ಗಾತ್ರದ ಮರ. ಆಲ್ಟರ್ನೇಟ್ ಆಗಿ ಒಂದು, 2 ಅಥವಾ 3 ಎಲೆಗಳಿರುತ್ತವೆ,ಅವುಗಳು 3 ರಿಂದ 5 ಅಂಡಾಕಾರದ, ಮೊನಚಾದ, ಆಳವಲ್ಲದ ಹಲ್ಲಿನ ಚಿಗುರೆಲೆಗಳಿಂದ ಕೂಡಿರುತ್ತವೆ, ತುದಿಯಲ್ಲಿರುವುದು ಉದ್ದವಾದ ತೊಟ್ಟುನ್ನು ಹೊಂದಿರುತ್ತದೆ. ಎಳೆಯ ಕಿರುಕೊಂಬೆಗಳ ಉದ್ದಕ್ಕೂ,4 ರಿಂದ 7 ರ ಗೊಂಚಲುಗಳಲ್ಲಿ ಪರಿಮಳಭರಿತ ಹೂಗಳು ಇರುತ್ತವೆ. ಹೊರಗೆ ಹಸಿರು, ಹಳದಿ ಒಳಭಾಗದಲ್ಲಿ ಇರುವ 4 ಹಿಂದಕ್ಕೆ ಬಾಗಿದ, ತಿರುಳಿರುವ ದಳಗಳು, ಮತ್ತು 50 ಅಥವಾ ಹೆಚ್ಚು ಹಸಿರು-ಹಳದಿ ಕೇಸರಗಳನ್ನು ಹೂವಿನಲ್ಲಿ ಕಾಣಬಹುದು. ಹಣ್ಣು, ದುಂಡಗೆ, ಪಿಯರ್ ನ ಆಕಾರ, ಅಂಡಾಕಾರ, ಅಥವಾ ಆಯತಾಕಾರದಲ್ಲಿರುತ್ತದೆ.ಅದಕ್ಕೆ ತೆಳುವಾದ, ಗಟ್ಟಿಯಾದ, ಮರದಂತಹ ಹೊರಹೊದಿಕೆ ಇರುತ್ತದೆ. ಒಳಗೆ ಮಧ್ಯದಲ್ಲಿ ಗಟ್ಟಿಯಾದ ಗೊರಟೆ ಮತ್ತು ತೆಳುವಾದ ಗಾಢ-ಕಿತ್ತಳೆ ಗೋಡೆಗಳಿಂದ ಹಗುರಾಗಿ ಬೇರ್ಪಡಿಸಲಾದ 8 ರಿಂದ 20 ತ್ರಿಕೋನ ಭಾಗಗಳಲ್ಲಿ, ಸುವಾಸನೆಯುಳ್ಳ, ತಿಳಿ ಕಿತ್ತಲೆ ಬಣ್ಣದ, ಸಿಹಿ, ಬಹುತೇಕ ಒಗಚಾದ, ಜಲಪಿಷ್ಟ ರಾಳದ ತಿರುಳು ತುಂಬಿರುತ್ತದೆ. ಬೀಜಗಳು ಚಪ್ಪಟೆ-ಆಯತಾಕಾರವಾಗಿದ್ದು, ಉಣ್ಣೆಯ ಕೂದಲುಗಳನ್ನು ಹೊಂದಿರುತ್ತವೆ ಮತ್ತು ಪ್ರತಿಯೊಂದರ ಸುತ್ತಲೂ ಅಂಟಿಕೊಳ್ಳುವ, ಪಾರದರ್ಶಕ ಲೋಳೆಯ ಚೀಲವಿರುತ್ತದೆ.